1S uchun yangi 3.1.29.1 nashri: Korporatsiya xodimlarining ish haqi va boshqaruvi

3.1.29.1 relizidagi yangiliklar

Kadrlar

01.01.2026 yildan boshlab kuchga kirgan, davlat ijtimoiy sug‘urtasi doirasida homiladorlik va tug‘ish bo‘yicha nafaqani tayinlash va to‘lash tartibiga kiritilgan o‘zgarishlar (17.12.2025 yildagi 796-sonli VMQ asosida) munosabati bilan “Yo‘qlik (kasallik, progul, kelmaslik)” hujjatiga yangi sabab qo‘shildi — “Homiladorlik va tug‘ish ta’tili”, bu nafaqa summasini hisoblashni talab qilmaydi. Shu bilan birga, homiladorlik va tug‘ish ta’tilini “Kasallik varaqasi” hujjati orqali rasmiylashtirish imkoniyati saqlab qolingan — davlat ijtimoiy sug‘urta jamg‘armasi hisobidan qoplanadigan nafaqa summasini hisobga oluvchi foydalanuvchilar uchun. Qoplanadigan barcha summa “Byudjetdan qoplanadigan summa” satrida ko‘rsatilishi lozim. 

       Yangi relizda “Kadrlar bo‘yicha mutaxassis” va “Kadrlar bo‘yicha mutaxassis (maoshga kirish huquqisiz)” profillari uchun jismoniy shaxslar ma’lumotnomasida fuqarolikni tanlashda “Dunyo mamlakatlari klassifikatori”ga kirish ochildi.

      Kadrlar hisobotiga “Pensiya oluvchilar bo‘yicha hisobot”ga yangi tanlov qo‘shildi — “Ishlayotgan pensionerlar”, bu ma’lum bir sana uchun faqat ishlayotgan pensioner xodimlar bo‘yicha ma’lumotlarni shakllantirish imkonini beradi.

        Joriy relizda xodim avval kasaba uyushmasi badallarini to‘lamagan, keyinchalik esa ularni to‘lashni boshlashga qaror qilgan holatlar uchun badallarni ushlab qolish mexanizmi takomillashtirildi. Dastur ma’lum bir oydan boshlab oldingi davrlar uchun qayta hisob-kitob qilmasdan badallarni ushlab qolishni boshlashi uchun, xodim kartasida “Kasaba uyushmasi badallarini ushlab qolish tarixi” havolasi orqali badallar ushlab qolinmagan davrni ko‘rsatish zarur. Shundan so‘ng “Kasaba uyushmasi badallarini ushlab qolmaslik” maydonidagi sana tozalanadi va tegishli belgi olib tashlanadi. 

“1-mehnat (yillik)” statistik mehnat hisobot shakli qo‘shildi.

Ish haqi

    Yangi relizda xodim kartasida “Hisoblashlar va ushlanmalar” bo‘limida “Mukofot, sovg‘a” hujjatini ko‘rsatish amalga oshirildi.

    Joriy relizda “O‘rtacha ish haqi va ishlangan kunlar/soatlar bo‘yicha qoldiqlarni kiritish” hujjatiga Excel formatidagi fayldan ma’lumotlarni yuklash imkoniyati qo‘shildi.

Administratsiya

   Joriy relizda “Intizomiy jazolar” va “Intizomiy jazoni bekor qilish” hujjatlariga qo‘shimcha rekvizitlar va ma’lumotlar qo‘shish imkoniyati yaratildi.

Aniqlangan xatolar tuzatildi

“O‘quv ta’tili” hujjatida fayllarni biriktirish bilan bog‘liq xatolik tuzatildi. HeadHunter (hh.uz) saytida vakansiya e’lon qilishdagi xatolik bartaraf etildi.

Xodim ishdan bo‘shatilganda ijro varaqalari bo‘yicha belgilangan summada ushlanmalarni noto‘g‘ri hisoblash xatosi tuzatildi.

T-13 tabelining chop etiladigan shaklida yakuniy natijalarni aks ettirishdagi xatolik tuzatildi.

“GPH shartnomalari” hisobotida hisoblangan summalar bo‘yicha ma’lumotlarni shakllantirishdagi xatolik tuzatildi.

“Mukofot, sovg‘alar” hujjati mavjud bo‘lganda INPS summasini hisoblashdagi xatolik tuzatildi.

“Boshqa daromadlar” hujjatida JShDS va rejalashtirilgan ushlanmalarni hisoblashdagi xatolik tuzatildi.

“Xodimlarni tanlash uchun buyurtma” hujjatini yaratishda “Kadrlarni tanlash bo‘yicha menejer” huquqlariga ega foydalanuvchilarda yuzaga kelgan xatolik tuzatildi.

Individual ish jadvali mavjud bo‘lganda o‘rtacha oylik ish haqini hisoblash uchun o‘rtacha oylik koeffitsiyentni hisoblashdagi xatolik tuzatildi.