1C: Ish haqi va xodimlarni boshqarish PROF uchun 3.1.16.1 yangi reliz

3.1.16.1 relizidagi yangiliklar

Kadrlar

Yangilangan relizda xodim dastlab kasaba uyushma badallarini to‘lamagan, keyinchalik esa ularni to‘lashni boshlashga qaror qilgan holatlar uchun badallarni ushlab qolish mexanizmi takomillashtirildi. Dastur ma’lum bir oydan boshlab badallarni ushlab qolishni boshlashi va oldingi davrlar uchun qayta hisob-kitob qilmasligi uchun xodim kartasida «Kasaba uyushma badallarini ushlab qolish tarixi» havolasi orqali badallar ushlab qolinmagan davrni ko‘rsatish zarur. Shundan so‘ng «Kasaba uyushma badallarini ushlab qolmaslik» maydonida sanani tozalash va tegishli belgini olib tashlash kerak. 

Xodimlarga nisbatan intizomiy (nomoddiy) jazolar hisobini yuritish joriy etildi. "Intizomiy jazolar" guruhi qo‘shildi, unga "Intizomiy jazolar" va "Intizomiy jazoni bekor qilish" hujjatlari kiradi. Shuningdek, kadrlar hisobotlariga "Xodimlarning intizomiy jazolari" hisoboti qo‘shildi.

Yangi relizda "Kadrlar bo‘yicha mutaxassis" va "Kadrlar bo‘yicha mutaxassis (ish haqi ma’lumotlariga kirishsiz)" profillari uchun jismoniy shaxslar ma’lumotnomasida fuqarolikni tanlashda «Dunyo mamlakatlari klassifikatori»ga kirish imkoniyati ochildi.

Ish haqi

Yangi relizda «O‘rtacha ish haqi bo‘yicha qoldiqlarni kiritish» hujjati qo‘shildi. Ushbu hujjat dastur bilan ishlash boshlanish paytida o‘rtacha ish haqini to‘g‘ri hisoblash uchun hisoblangan summalar, shuningdek ishlangan kunlar va soatlar soni haqidagi ma’lumotlarni kiritish uchun mo‘ljallangan. Shuningdek, ma’lumotlarni Excel formatidan yuklash imkoniyati qo‘shildi.

Soliqlar va badallar

«JShDS bo‘yicha chegirmalar turlari» ma’lumotnomasiga O‘zbekiston Respublikasi Soliq kodeksining 378-moddasi 24-bandiga muvofiq yangi imtiyoz qo‘shildi. «Chernobil AESdagi falokat oqibatlarini bartaraf etishda ishtirok etgan fuqarolarning daromadlari (shu jumladan vaqtincha yuborilgan yoki xizmat safariga jo‘natilganlar), shuningdek ularning turmush o‘rtog‘i».

Sozlamalar

O‘zbekiston Respublikasi Prezidentining 2025-yil 24-dekabrdagi Farmoniga muvofiq, 2026-yil uchun ishlab chiqarish taqvimi qo‘shimcha dam olish kunlarini hisobga olgan holda yangilandi.

Aniqlangan xatolar tuzatildi

Xodimning shaxsiy kartasida (T-2 shakli) foydalanilgan ta’til kunlarini ko‘rsatishda yuzaga kelgan xatolik tuzatildi.

«O‘quv ta’tili» hujjatida fayllarni biriktirish bilan bog‘liq xatolik tuzatildi.

Reglamentlangan hisobotda JShDSni aks ettirishdagi xatolik tuzatildi.

«GPH shartnomalari» hisobotida GPH shartnomalari bo‘yicha hisoblangan summalar haqidagi ma’lumotlarni shakllantirishdagi xatolik tuzatildi.